si Gugma dili makit-an sa plasa—
tuyukon mo man kini bisag kapila—
ug kun abi nimu makapanimhut ka
sa baho niini— mahiubos ra ka
kay usa kini ka tae nga nipilit sa poste
daplin sa kangitngitun sa karsada—
ug sa imong paghulat–
ang sigarilyo maupos—
hasta ang oras– makalas–
ug hangtod ikaw maugtas
sa paglingi-lingi–
sa pagpamasin-basin
hangtod nga ang adlaw mudanli-as
sa kagabhiun——–
sa kagabhiun—
ang mata–sigarilyo–
ang pusti ug ang mga bituun ra ang gasiga–
ug si Gugma—
—purting hinanuka
November 09, 2006
——————————————–
——————————————–
ug sa gabiing gisabak tika
Gugma,
ni aguo ka
sama sa usa ka iro
nagpanikad,
nagpamaghut,
gahalhal
igo rakong gahilom
gatag an sa
tigmo mo’g pahiyum
diyot ako nipiyung,
nagpanampung
nagpangumot kanimo
aguo sa kasakit?
Luha sa kalipay?
ug ako usab ni-aguo
uban kanimo,
para kanimo,
sa tanang
kasakit,kaulaw,kalipay
sa lumalabay
ug papaingon
aron ang tikas
mapatas
taud-taud
ikatog ko ra
ug i-damgo
saksi ang kama
sa pag alindasay
sa pag-aguo
ulan, kainit
kalipay, kasakit
haay, gugma
ikatog ta ra . . .
Nov. 14, 2006
